ഷവര്‍മ വില്‍ക്കരുതെന്ന്

ബേക്കറി കടകളില്‍ ഇനി മുതല്‍ ‘ഷവര്‍മ’ വില്‍ക്കരുതെന്ന് ആരോഗ്യവകുപ്പ് അധികൃതര്‍ കര്‍ശന നിര്‍ദേശം നല്‍കി. ബേക്കറികള്‍ക്ക് മുന്നില്‍ തുറന്ന സ്ഥലത്ത് പ്രദര്‍ശിപ്പിച്ച് അരിഞ്ഞെടുത്ത് കുബ്ബൂസില്‍ നിരത്തി ടിഷ്യൂ പേപ്പറില്‍ പൊതിഞ്ഞ് അകത്ത് കാത്തിരിക്കുന്ന ഉപഭോക്താവിന് എത്തിക്കുകയാണ് പതിവ്. വാഹനങ്ങള്‍ പോകുമ്പോഴുയരുന്ന പൊടിപടലങ്ങള്‍ ‘ഷവര്‍മ’ പറ്റിപ്പിടിക്കുന്നതും തലേദിവസത്തെ ബാക്കി വില്‍ക്കുന്നതായും ശ്രദ്ധയില്‍പെട്ടതായി ആരോഗ്യ പ്രവര്‍ത്തകര്‍ പറഞ്ഞു. കട്ലറ്റില്‍ ബാക്കിവന്ന ഷവര്‍മയില്‍നിന്നുള്ള ഇറച്ചി ഉപയോഗിക്കുന്നതായും ആരോഗ്യ പ്രവര്‍ത്തകര്‍ സൂചിപ്പിച്ചു. നിയമാനുസൃതമല്ലാതെ പ്രവര്‍ത്തിച്ച കടകള്‍ക്ക് നോട്ടീസ് നല്‍കി.